找產品
清潔力強 推薦好用產品
764 件指數降序
Emma W好用推薦：Shu Uemura 的卸妝油，是一款相當受歡迎的卸妝油，什至係 @cosme 的卸妝產品第一名，所以都想試下佢的功效，就買左一支來試。 其清潔力非常強。擠一下，就能有效卸除彩妝和污垢，特別是防水產品，使用後肌膚感覺潔淨無殘留。 雖然話係油質成分，但容易推開，係好light 的oil 。用時唔需要用到化妝棉那樣，大力地捽面，令到面部增加皺紋，特別係眼紋位置。用水洗一次，就好乾淨。用時仲有好香的山茶花味道！用後又唔會感覺塊面好乾，果然係top 1 卸妝油，清潔力強之餘，仲大大減少傷害皮膚的誘因之一。  適合肌膚：任何 成效度：4.5/5 保濕度：4/5 持香度：2/5 值得推薦度：5/5
<看全文>mint好用推薦： 作為一個T字位狂出油但面頰會乾嘅混合肌，我對卸妝油真係又愛又恨！今次試咗植村秀呢支皇牌琥珀潔顏油，真係有驚喜～ 質地超乎想像 開頭以為咁貴嘅卸妝油會好"立"，點知佢質地水感得嚟又有足夠卸妝力！我成日化超防水眼線同睫毛膏，輕輕打圈十幾秒就卸得乾乾淨淨，仲唔會燻眼。最正係乳化超快，沖完水塊面零油膩感，連我咁易生暗粒嘅肌膚都用得安心！ 混合肌最驚喜位 用咗兩個禮拜，發現佢平衡水油嘅效果幾好： - T字位冇再因為過度清潔而出更多油 - 面頰位用完唔會繃緊，仲keep到水潤 - 鼻翼嘅黑頭有少少改善，冇以前咁顯眼 雖然價錢真係有啲肉赤，但450ml大支裝其實可以用好耐。而且個泵頭設計超貼心，帶去旅行都唔怕漏！
<看全文>
Kitty 好用推薦：Bioderma深層卸妝潔膚水——敏感肌救星？懶人實測真心話！ 呢隻Bioderma粉紅色樽嘅深層卸妝潔膚水大家應該不陌生，話係法國藥妝界嘅明星產品，連敏感肌都用得。身為一個又懶又怕麻煩嘅打工仔，平時返工化淡妝、放假貪靚畫到鬼火咁濃，真係好需要支卸妝神器。其實呢隻我已經連續回購幾年，同大家分享吓真實感受啦！ ✨ 第一印象：簡約到極嘅設計 支水嘅包裝真係”法國style”——簡簡單單粉紅樽，冇乜花巧嘢。樽口設計好貼心，倒出嚟唔會瀨到成手都係（試過其他開架牌子倒到成個枱濕晒，激氣！）。質地同普通清水差唔多，冇黏笠感，陣味好淡，幾乎聞唔到，啱晒我呢啲聞到香料就打乞嚏嘅人。 🧖使用感：真係唔使過水？ 第一次用嗰陣半信半疑，跟足指示用化妝棉濕敷10秒再輕輕抹。嘩！平時用開嘅防曬＋碎粉＋眉粉真係一抹就冇咗八成，連眼底啲積線位都抹得乾淨（感動到喊）。最驚喜係用完塊面完全冇拮拮哋或者繃緊，摸落仲有啲潤潤哋，似拍咗層保濕水咁。不過如果化咗超防水眼線同睫毛液，就要敷耐少少再輕力多抹兩次，但都算輕鬆搞掂！ 💧 溫和度大考驗：敏感肌掂唔掂？ 我塊面係出名轉季玻璃肌，一用錯嘢即刻泛紅兼生粒粒。
<看全文>Fng好用推薦：我係Bioderma深層卸妝潔膚水多年擁躉🩷，它集1️⃣卸妝乾淨快速2️⃣用法簡單3️⃣性質温和4️⃣敏感肌啱用5️⃣價錢大眾化👉於一身，真係諗唔到理由唔用佢，有時貪新鮮，會試吓用其他卸妝產品，但兜兜轉轉都係會投入返Bioderma嘅懷抱!😘 🩵🩵🩵🩵🩵🩵🩵🩵🩵 佢夠溫和，不刺激皮膚，適合敏感肌膚🥰，卸妝效果很強，防水眼線都卸得乾淨，仲不醃眼睛😉，卸妝後不黏笠，很清爽，佢含天然青瓜植物精華加強紓緩保濕👍🏻。 💜💜💜💜💜💜💜💜💜 而且用法簡單🫶，我會先將浸濕的化妝棉敷在臉上停留5秒，再輕柔地由內而外擦，即可清潔乾淨，然後，換一片新的浸濕化妝棉，直到化妝棉呈現乾淨無色為止，即代表卸除乾淨👏，快靚正! 如果濃妝，可以後續加上其他洗臉奶產品。 🧡🧡🧡🧡🧡🧡🧡🧡🧡 我用了很多枝，性價比極高💯，無限回購，卸妝必備聖物😂。
<看全文>
Rain好用推薦：神仙水呢個名由細聽到大，一直覺得係熟女先用🤭 到左宜家30+，見到廣告話可以免費換領試用體驗，一於去專門店做個皮膚測試順便拎埋試用。 做完test後ba姐姐幫我係手背試用，當下效果好出，皮膚即刻細嫩左，咁岩做緊優惠，$690有一套包括神仙水、小燈泡美白精華同埋洗面，即pay！ 我每日只用一次，方法係倒係手心上然後拍打面部直至完全吸收，但另一個方法我覺得令神仙水更加發揮佢既神奇功效，就係倒落化妝棉然後濕敷5分鐘，一星期做兩次(始終濕敷用既份量要多d，會心痛d💔） 第二朝上妝果陣係勁貼服，到放工係完全冇補妝既情況下都冇出現脫妝同浮粉，而且睇得出毛孔係細緻左好多！ 相信神仙水應記一功👍🏻用哂之後我會再回購！ 下次試埋支小燈泡再review🙂↕️
<看全文>shannip好用推薦：皮膚容易粗糙不穩定,壓力一大就有粒粒出現, 但係用咗神仙水一段時間,發現肌膚狀況穩定咗, 捱完夜皮膚都依然有光澤, 睇落去比以前更水潤,而且毛孔有改善~有驚喜,唔怪得知神仙水一直係熱賣產品 ! 推薦濕敷會更有效果
<看全文>
mandy好用推薦：Lancome New Clarifique Double Treatment Essence 淨澈亮肌精華水 (第二代極光水) $830/ 150ml 7大功效: 收毛孔+控油+保濕+去角質+均勻膚色+去印去斑+提亮光澤 使用方法: 1. 大力搖勻瓶身3秒 2. 倒在化妝棉上 3. 輕拍在全面及頸部 第二代極光水的質地非常水感保濕，流動性高，使用感清爽舒適， 完全不油不笠。 每天早上我都在潔面後使用，可以即時去掉潔面不能去掉的角質。 當您在全面拍完第二代極光水後，就會看到化妝棉變髒了， 而這髒污就是面上的老廢角質。 在使用第二代極光水去掉老廢角質後，肌膚即時變亮白富光澤， 而且膚色更均勻。 長時間使用，肌膚可以減少出油，毛孔也變得不明顯。 蘊含養膚成分，如: 保濕、抗衰老、去角質、美白/均勻膚色 及 鎮靜消炎等成分。 含保濕成分: 甘醇酸, 丁二醇, 雙丙甘醇, 酵母萃取, 精氨酸, 聚乙二醇-32, 葵花籽油, 戊二醇, 辛乙二醇, 突厥薔薇花油 及 葡萄籽油 抗衰老成分: 甘醇酸, 鳳梨果萃取, 維他命C配糖體, 維他命E, 酵母萃取, 精氨酸, 葵花籽油,
<看全文>Poyobb好用推薦：雙層水油質地，搖勻後係微乳化水狀，比起純爽膚水多要層滋潤。冇太大香料味，亦唔會有大刺激感。 直接拍上面用效果低，反而每朝倒落化妝棉用嚟做二次清潔化妝會好貼服。keep住用嘅話暗粒會減少，而且皮膚變得平滑、光澤。可以修復皮膚屏障，維持皮膚係最靚狀態😍 夏天必備，油性皮膚至混合性皮膚一定會鐘意。
<看全文>
Kmggigi好用推薦：產品使用心得: 如果想追求高清潔力又不損傷皮膚，Bifesta眼唇卸妝液絕對係理想之選！ 清潔效果出眾，眼線/眼影輕輕一抹即可徹底卸除。 同時對皮膚極為溫和，即使不小心入眼亦唔會有明顯刺痛感。 油分適中，使用後不會覺得黏笠 因為產品係水油分層設計，記得使用前需充分搖勻（我都係睇完cosme評價中先知!） 產品效果圖: 眼線筆🔽使用卸妝液，輕輕抹一下:
<看全文>lonia好用推薦：一直都係Bifesta卸妝產品嘅fans，覺得呢個品牌價錢唔貴又好用。由於本人日常化妝都集中眼妝居多，所以呢支高效眼部卸妝液已經好足夠(用嚟卸唇妝都可以㗎～)。 卸妝液分咗油水兩層，使用前搖勻至起泡就可以。倒落卸妝棉，敷喺眼皮位置一陣，一抹就已經卸咗七、八成，再輕抹兩下，連最防水防油嘅眼線液都可以卸得一乾二淨。佢唔會因為潔淨力高就令到皮膚乾燥或者繃緊，真心大推。屋企長備呢支卸妝液，空瓶之前都已經會立即囤貨，嚟到2025，當然會繼續使用啦！
<看全文>
takemyokane好用推薦：身為混合偏油肌，T字部位容易出油、兩頰卻偶爾乾燥。這款潔面乳溫和的黏土質地能深層吸附多餘油脂，洗完臉完全不會緊繃或乾澀，反而有種毛孔暢通的清爽感，洗面過程很舒服。淡淡天然礦物香氣很療癒，用了兩週後白天出油量變少，鼻頭粉刺亦明顯減少，後續保養吸收更順暢。
<看全文>Sophia好用推薦：b.glen礦泥潔面乳感覺清潔力很不錯，洗完臉後感覺毛孔裡的油脂污垢都被吸出來了，皮膚摸起來滑滑的，不會緊繃。它搓揉後不會起泡泡，用起來卻洗得很乾淨，而且礦泥味道算很清淡，聞起來很自然。 我之前用過很多礦泥類產品，普遍用完會覺得很乾，但這款礦泥潔面乳完全不會，它洗得很乾淨，卻不會讓皮膚感到乾燥，反而很保濕，用了一段時間後，感覺皮膚變得比較穩定，粉刺也減少了。 雖然價格稍微貴一點，但它的用量很省，一點點就可以洗全臉，是一款清潔力好又保濕的洗面乳。
<看全文>
皮皮爱马桶好用推薦：首先感谢@cosme的试用装体验，但是由于本人之前在旅行所以迟到一周才交心得。本次试用品为滴露ProFresh清爽保湿沐浴露2瓶，分别为水感蜜桃950g，玫瑰及白麝香900g，满满两大瓶够全家人使用好一阵子。 首先上个正面包装，超级大的两瓶，试用装由于暂未上市，所以暂无正式的包装。目前季节本人身体的皮肤偏中性，不易出汗也不太干燥，不过对沐浴乳就更加偏好洗后不假滑的类型。 由于本人比较喜欢蜜桃的味道，因此首先试用蜜桃这瓶，气味非常好闻，使用时整个浴室都蔓延着蜜桃的香味，令人身心愉悦，洗澡都变得快乐起来。沐浴乳挤出呈琥珀透明状的液体，加入少许水后用沐浴球轻轻搓洗就可以出泡沫，泡沫算比较丰富细腻，但是如果直接用双手搓泡的话，起泡效果不是特别明显。每次沐浴大约需要3-4泵的样子。另外一瓶玫瑰及白麝香的味道颜色为透明状液体，和蜜桃味最大的区别就是气味不同，有种夏天驱蚊水的特别味道，也很好闻，尤其麝香的味道能令人镇静，会让人联想到夏天，但是洗完后留香并不持久。出泡以及沐浴效果两者大致相同，冲完水后会有假滑的感觉，如果喜欢滑溜溜不绷紧的感觉，或者男生如果体毛长的话，那选择滴露这两瓶就没错。缺点就是
<看全文>Kim Chan好用推薦：產品名稱：Dettol滴露ProFresh 清爽保濕沐浴露 感謝@cosme 抽中，有機會體驗Dettol 滴露 新推出的ProFresh 系列： * 水感蜜桃沐浴露質地方面：水潤感質地的沐浴露比較清爽，而且泡沫好豐盈，絕對能夠去除黏膩感，沖完涼唔會覺得好乾，肌膚變得好清爽，再加上滴露的防菌保護，潔淨的同時令人更安心！兩款植萃花香沐浴露加入左Activ-Botany保濕成份，有效鎖緊肌膚嘅水份同時溫和親膚，沖完涼真係感受倒皮膚好細滑，唔會有嗰種繃緊，實測沖完涼全日都好乾爽，唔會有黐立立的情況！ 味道方面：我相信每一位用家選用沐浴露除左功效之外，最在意的就係香味，採用左7 種天然優質精油調製而成，唔怪之得香味非常持久！ 最重要係無刺激性化學殘留物，無添加矽，無防腐劑，無礦物油以及人造色素，用得更放心🫶🏻* 水感蜜桃味🍑 比較偏甜美的水蜜桃味，感覺同啫喱味好似， 香味亦都好拎久，兩者比較，我個人都係喜歡橙花果款，好舒緩壓力！總結：沖涼除左潔淨身體之餘又做到保濕肌膚，香味又持久，而且又令人有放鬆心情，舒緩疲勞的功效，睡眠質素都大大提升！
<看全文>
Sophia好用推薦：CeraVe SA Smoothing Cleanser 很適合我混合偏油的膚質，我主要使用這款潔面產品來改善 T 字部位的油光、粗糙和粉刺問題。它的質地是透明偏水狀，沒有明顯的氣味，起泡力不強，加水搓揉只會產生一點細緻的泡沫。但重點是清潔力非常不錯，洗後皮膚不會有緊繃或乾燥的感覺，反而感覺很清爽乾淨。 成份含有水楊酸，能有效去除老廢角質，疏通毛孔，預防粉刺和痘痘產生，用起來又沒有任何刺痛或過敏的感覺。它溫和的去角質力道恰到好處，不會過度清潔，面部整體亦感到保濕舒緩。持續使用幾星期後，我 T 字部位的出油狀況亦有所改善，粉刺也減少了，皮膚看起來更加光滑細緻，膚色也變得比較均勻明亮。 這款產品非常適合日常使用，能溫和地去角質，輕盈的質地和保濕舒緩成份能改善皮膚粗糙和粉刺問題，讓肌膚更加健康清爽。 #我的崇光感謝祭必買去角質
<看全文>Rita Tai好用推薦：依一支我睇YouTuber 介紹而用，真心推薦皮膚有痘痘既人試試，之前塊面一直因為油得滯定唔知敏感，不停有啲油脂粒同小型暗瘡。 Cerave依一支係我塊面甜粒粒同生瘡時就係好幫手！！洗完無繃緊，仲要覺得係洗得乾淨塊面洗完清爽同成塊面輕鬆哂 有網民教小秘訣就係拿黎洗胸口😍 有啲女仔兩胸之間位置因為長期悶住好易生粒粒同生瘡，聽完即刻試下又真係有幫助喎！！！ 我會選擇係夏天使用，因為佢對我皮膚出油同唔穩定時非常有幫助！！係我既穩定夏日肌膚之選！！
<看全文>
Kitty 好用推薦：香港天氣真係濕濕熱熱，但冷氣房長駐搞到塊面成日乾爭爭😩！最近試咗Innisfree綠茶補水面膜，真係有驚喜！佢精華多質地水潤濃稠，面膜紙又很輕薄，個陣綠茶清香仲好似去咗濟州島旅行咁療癒～ 最正係補水力超強！敷10分鐘沖水，即刻摸到塊面咕溜晒，毛孔位都冇咗嗰種繃緊感。連續用咗一星期，連鼻翼甩皮嘅位都水潤返，上粉底完全冇卡紋👏！ 總括嚟講，十幾蚊一片做到即時補水+長效水潤，性價比高過噴霧急救多多聲！💦 回購指數：★★★★★☆
<看全文>mint好用推薦：我係混合肌，T字位出油但面頰成日繃緊，轉季仲會敏感泛紅。今次連續敷咗六晚，綠茶同柚子款輪住用，真心覺得抵讚！ 綠茶面膜保濕力好夠，精華多到滴但唔黐立立，敷完面即刻飲飽水咁，第二朝摸落去都仲係潤嘅。最驚喜係佢舒緩效果，我面頰泛紅敷完即刻冇咁紅，淡淡綠茶味聞住好relax。柚子款就清爽啲，敷完個膚色明顯冇咁暗沉，鼻翼同額頭嘅油光都少咗。 兩款面膜紙都超貼面，我個下巴兜兜都包到實，仲唔會滴到成頸都係精華。最啱我呢啲懶人，夜晚沖完涼啪塊上面，睇住劇就搞掂晒護膚步驟！
<看全文>
LingLing好用推薦：講真我一向都係用開 KissMe 隻睫毛膏，真係捽都捽唔甩嗰種，落雨流汗都完全唔郁，穩到爆。但就係因為佢太持久，以前卸妝卸到眼紅紅，成日都要搽幾次眼唇卸，捽幾捽先甩得晒，搞到眼皮都痕痕哋、仲甩埋幾條睫毛。 直到有次喺藥妝店見到 KissMe 自家出嘅眼睫毛專用卸妝液，諗住反正都係同一個牌子，試下都無妨。點知⋯⋯一試成主顧，真係改變咗我對卸睫毛嘅痛苦回憶！ 佢係用刷頭設計，好似透明睫毛膏咁樣，一掃就可以塗勻成排睫毛，完全唔會入眼、亦唔會刺激。等大概 30 秒～1 分鐘，再用棉花輕輕抹走，啲睫毛膏就自己「溶」咗咁樣，滑一滑就甩晒，完全唔使大力捽，仲可以順便清埋眼線位～ 我最鍾意係佢卸得乾淨之餘，又唔會焗眼或者搞到油笠笠，清爽又舒服，連戴con都無問題。用完眼都冇痕、冇紅腫，真心對眼敏感啲嘅人都啱用。 依家我每次化濃妝、或者夾得好翹嘅睫毛，一定都會用返呢支卸妝液。特別係趕住洗面又唔想整傷眼嘅時候，佢就幫我慳返唔少時間。 總結：溫和、有效、唔刺激又唔焗眼，卸妝新手或者重度睫毛膏使用者都值得試一試～我自己已經回購咗第二支啦，放工後要輕鬆落妝，佢真係功不可沒！
<看全文>YiN好用推薦：一定係史上最強睫毛卸妝產品，冇之一。香港咁熱咁潮濕，冇可能唔用防水睫毛膏。我本身都用開kissme嘅防水睫毛膏，有時去睇live我仲會喺底用超強嘅睫毛底霜，將啲睫毛定到好似鐵線咁硬。到要卸妝嘅時候就知有幾痛苦，用眼唇卸妝液敷幾耐都摸到啲睫毛係硬嘅，唔小心入眼又唔舒服，未遇到呢枝之前我通常抹到冇色就放棄，由得啲睫毛硬硬地。佢入面就係一枝冇刷頭有坑嘅棒，啲卸睫毛液卡喺啲坑度，當平時搽睫毛咁刷上啲睫毛度，基本上你一眨眼啲黑色已經印哂落下面，用棉花一抹就乾淨，有時未夠的話重覆多一次呢個動作就一定卸到。 建議大家習慣掃完一次抹乾淨枝棒先放返入去，如果唔係好快成枝都會變黑。
<看全文>
Poyobb好用推薦：用法泵兩至三下，乾手上面按摩，慢慢加水乳化，然後沖走，卸妝後冇殘留皮膚，好乾淨✨ 用後好似有一點油嘅保護層滋潤皮膚，但唔會笠，冬天用完超舒服，用後不刺激皮膚☺️ 成份冇添加、冇負擔，賣點唔錯。但就要三個月內用晒，可接受🤣 最緊要呢款卸妝又不用礦物油，真係用完不致痘，價錢唔算貴😊 人哋話專櫃版會更好，遲吓再試🤍
<看全文>natanatalie好用推薦：好多人都推薦呢款卸妝液，但我一直未用過，直到之前去日本見到好平就買左嚟試下，點知一試就愛上！❤️ 以卸妝液嚟講，佢唔算太大支，每日化妝嘅話，一支可能用到一個月多啲。用法嚟講，就係普通乾手乾面，化底妝+彩妝我會用兩pump。😎 質地係流質透明液體，上面感覺好舒服，好處係真係無添加，完全無聞到香料味，而家延展性都幾強，按摩一陣，好快就溶到眼唇妝同粉底。之後我會加水乳化，再洗面，就好乾淨。🤩 用左差唔多一支，我嘅使用感受係佢好溫和但好乾淨，彩妝用佢就得，唔需要再用眼唇卸妝，而且減少肌膚嘅拉扯，呵護到肌膚。最重要係用完完全唔會乾，亦無左一般卸妝油嘅弊處-用完會有粒粒，佢完全無呢個問題。😜 唯一缺點係有少少貴，如果每日化妝用得都會幾快，不過最近發現左香港Fancl官網做緊特價，減價到同日本差不多，咁就好抵用了！🥳
<看全文>
zinzinzini好用推薦：#卸妝推介 上個星期教個人化妝班嘅時候， 有位同學話佢平時只係搽有色防曬加碎粉。 所以冇特別用卸妝嘅產品。 因為怕會對佢嘅敏感皮膚造成刺激， 而且佢又唔鍾意用卸妝油， 於是我就去搵下， 市面上有乜嘢卸妝產品係啱敏感肌用。 行過見到呢支 《ATORREGE AD+深層淨膚啫喱》 日本製造感覺好安心。 同埋話唔需要按摩都可以自動溶妝。 減少對皮膚嘅摩擦，對敏感肌會比較友善。 🤍用後感🤍 平時我鍾意淡妝，有色防曬加碎粉， 最多加dd眼影加條眼線＆眉gel就出門口。 卸妝Gel黎講佢算卸得好快， 10秒就溶咗個妝，而且卸得好乾淨， 皮膚冇繃緊嘅感覺。 仲幾清爽，嚟緊夏天好啱用。 佢冇香味，呢點我都鍾意。 淡妝愛好者／敏感肌朋友又多一個選擇。 我試完覺得可以推介俾同學仔用。 https://www.threads.com/@zinnialaumakeup/post/DIzxQFNBc5O?xmt=AQGz8CAmL5JAJBiIBtyZoxmSNMwUQfvNU4NopjTC5YGBsg
<看全文>icyma72好用推薦：已經用了兩支 非常溫和，即使係深層清潔但皮膚唔會泛紅太乾 雖然鼻上的黑頭未去到完全消失，但長期Keep住可以有效減慢皮脂管腺增生，減慢黑頭形成 簡單防曬可以直接用黎卸妝，不過粉底液 眼線個啲建議先用卸妝產品清潔一次先
<看全文>
lingbb好用推薦：- 三合一面膜代表能夠做到清潔、去角質、排毒同時保濕效果嘅面膜。成份就係蘊含90%死海泥同礦物質去除肌膚的污垢和油脂，深層清潔毛孔，同時預防暗瘡粉刺形成。 - 因為成份有保濕去角質就要塗全面，起初好怕乾到敏感，結果反而皮膚好細嫩好柔軟好舒服！ - 上面會感覺到有好多好幼細嘅粒子質地同時都好細滑。有香味但好淡，好似做spa感覺 - 面膜會隨著時間愈長，面膜會冇左水份變得好乾燥同繃緊，可以用用水輕輕按摩面部，令磨砂粒有透過按摩去角質，洗完面皮膚好細緻、唔會乾，感覺更平滑 - 盒面膜放耐左都唔會變得乾，所以可以變得耐用，推薦！
<看全文>P_choi好用推薦：早前在日本購入呢支Sabon三合一死海鑽奇磨砂面膜，因為自己本身係敏感及混合偏油肌，平時都盡可能唔用磨砂嘅面膜，但今次想吓，所以先買一支50ml而唔係一大樽。每逢夏季悶熱天氣特別需要多做清除角質層，如果唔係都會容易出暗粒，最近都勤力用多咗，一星期大概建一次，一般敷15至20分鐘後清洗，感覺都清爽，皮膚有平滑咗，亦沒有緊繃感。
<看全文>
Tobimak好用推薦：今次的確被@cosme的姐妹燒到！身為貓奴的我第一眼見到這包棉柔潔面巾就立即衝了！真的無辦法抵抗mofusand的產品🥹❤️ 平時都有用開其他日本牌子的一次性潔面巾，因為毛巾掛在濕濕笠笠的洗手間會滋生無數細菌。 我會用此產品在早上趕時間返工時濕水洗面用。除此之外，由於家中貓貓有淚腺阻塞問題，經常眼濕濕同流眼水，因此我還會用來替家中貓貓抹走淚痕。🐱 這包潔面紙巾是抽取式的，對比卷裝的潔面紙巾取出時更無需用手接觸下一張紙巾，所以更衛生。 質地方面佢是比較薄身的，相比起普通紙巾是差不多厚度。而強韌度對於我來說是足夠的，用了整整兩包也沒有一張被我不小心扯爛。❤️2025年我亦一定會keep住回購🤭
<看全文>Suidan好用推薦：呢包Tempo洗面巾，首先不得不提既，就係包裝上面有 mofusand既貓貓係到，真係勁可愛！ 而洗面巾就呈白色正方形，上面有格子紋壓花。我認為個size大小適中，而格子壓花可以有效帶走污垢功效，十分好用。
<看全文>
Kk.ac好用推薦：Kiehl’s 醫學維C淡斑精華，透明感up up up✅ 🧡顏色：透明 🧡氣味：有淡淡的香味，不刺鼻 🧡質地：流動性高，但會黏笠 💛產品賣點： ✔️ 顯著減淡色斑大小及密度，抑制黑色素沉澱 ✔️ 促進膠原蛋白新生，肌膚顯著飽滿亮澤 ✔️ 均淨膚色，讓肌膚更光滑通透，促進老化角質代謝 *･゜ﾟ･*:.｡..｡.:*･･*:.｡. .｡.:*･゜ﾟ･*･゜ﾟ*:.｡..｡. 🩷肌膚： 我本身混合偏油肌膚、毛孔細、皮膚有光澤。但有爆瘡的問題，特別眉心跟下巴位 🩷夏天護膚流程： 日間：清水洗面➡️爽膚水➡️眼霜➡️精華，如果要出門就塗防曬 夜間：洗面奶➡️爽膚水➡️眼霜➡️精華 🩷使用量： 一滴管或兩滴管，臉上每個位置都塗滿精華 🩷用後感分享： 整體來說令到個人氣色變好，散發飽滿感同透明感💗化妝時沒有搓泥，就是摸上臉還有點黏笠 痘印：⭐️⭐️⭐️⭐️ ▫️針對黑色痘印是有顯著效果，能夠減淡痘印；紅色痘印則因應痘痘發炎的程度而比較慢變淡 淡斑：⭐️⭐️⭐️ ▫️有少少改善，但色斑還在。可能長時間使用才有更明顯 毛孔：⭐️⭐️⭐️ ▫️不明顯，或許我本來毛孔細看不出 提亮：⭐️⭐️⭐️
<看全文>mint好用推薦：我係T字位油、面頰乾嘅混合肌，仲要成日生暗瘡留印，試咗Kiehl's呢支醫學維C淡斑精華成個月。開頭見佢$525得30ml都幾肉赤，但支嘢質地幾得意，有啲黏又唔算笠，推開後吸收得幾快，最驚喜係用完真係冇敏感（我平時用酸類產品實甩皮）！ 效果方面，塊面嘅暗沉同黃氣真係有改善，朝早起身照鏡見到個膚色均勻咗，啲痘印退紅快咗少少。不過講到淡斑就真係要慢慢等，我用咗成個月先見到嘴角啲色素沉澱淡咗啲啲。最正係配合佢哋支三酸精華一齊用，個膚質真係滑溜咗，毛孔望落冇咁顯眼。 價錢貴係貴，但一支都用得幾耐，每次3-4滴就夠搽全塊面。如果budget夠又想溫和美白，呢支值得試吓，不過要有心理準備效果係慢慢嚟㗎！
<看全文>
Candy Ng好用推薦：最喜歡用蜂蜜面膜就在自己係屋企，多手整黑頭、粉刺、暗瘡之後，臉仔開始泛紅及傷口，就用它。 大家會覺得那些對臉仔刺激之後的情況，會減少左。尤其係，如果正到有傷口及爆瘡，修復能力係會比起用其他成份的面膜，或者咩都吾用，來得快癒合的😊 我近日爆瘡，就隔日敷左它2次，我係見到瘡瘡位開始凋謝了💗😍 ⭐️好喜歡用完它之後，再用 AVÈNE 再生修護精華 + 極速舒敏修護霜，明顯著見到降紅能力顯著 
<看全文>FishYu好用推薦：一撕開包裝就俾天然蜂蜜香氣包圍🍯冇廉價甜膩味而係清新花香，好似做緊SPA咁~ 精華份量非常充足，乾冷冬天敷20分鐘面膜紙依然濕潤，可以順便用黎敷頸，再搾d精華液出黎搽下手，全身都充份補水😂 面膜紙既質地柔軟纖細，吸到大量精華同時緊貼肌膚。比起歐美品牌偏大尺寸，呢款面膜更貼合香港女仔既面型，眼角/鼻翼死角位都覆蓋到。 敷完有摸得到既水潤感，亦肉眼可見地變得白滑。戶外活動後皮膚繃緊、鼻翼甩皮、又曬到紅腫發熱，訓覺前緊急敷一片，第二朝起身皮膚依然軟嫩💧唯一不足既係敷完少少黏笠，後續上妝需要輕輕清潔下先。 特價既時候買$90 12塊，性格比超高。同系列既金盞花面膜都好適合敏感泛紅個陣用。
<看全文>